Міністэрствам юстыцыі ў рамках правядзення прававой асветы насельніцтва па пытаннях прававой абароны дзяцей, фарміравання правасвядомасці ў дзяцей і моладзі, а таксама выхавання павагі да закону і права аб'яўляецца рэспубліканскі конкурс дзіцячага малюнка на тэму "Права на дзяцінства".
Асноўнымі задачамі конкурсу з'яўляюцца:
- асвета ў пытанні прававой абароны дзяцей;
- фарміраванне правасвядомасці;
- выхаванне актыўнай жыццёвай пазіцыі;
- раскрыццё творчых здольнасцей дзяцей і моладзі.
Да ўдзелу ў конкурсе дапускаюцца работы, падрыхтаваныя дзецьмі не старэйшыя за 16 гадоў.
Ацэнка конкурсных работ ажыццяўляецца па наступных намінацыях:
- правы дзіцяці;
- сацыяльная абарона сям'і і дзяцей дзяржавай;
- абарона правоў дзяцей-сірот і дзяцей, якія засталіся без апекі бацькоў;
- правы дзяцей-інвалідаў;
- абавязкі дзіцяці;
- "Гісторыя маёй сям'і ў гісторыі краіны" (работы павінны адлюстроўваць тэму правядзення Года гістарычнай памяці ў Рэспубліцы Беларусь).
Конкурс праводзіцца ў 2 этапы.
I этап - рэгіянальны:
з 27 чэрвеня па 15 ліпеня 2022 года – накіраванне конкурсных работ у галоўныя ўпраўленні юстыцыі;
з 18 па 29 ліпеня 2022 года - работа конкурсных камісій галоўных упраўленняў юстыцыі;
да 12 жніўня 2022 года галоўныя ўпраўленні юстыцыі накіроўваюць у Міністэрства юстыцыі электронныя копіі адабраных работ у фармаце jpg на лічбавых носьбітах або з дапамогай электроннай пошты (Этот адрес электронной почты защищён от спам-ботов. У вас должен быть включен JavaScript для просмотра.).
II этап - рэспубліканскі:
з 15 па 19 жніўня 2022 года праца конкурснай камісіі ў Міністэрстве юстыцыі, падвядзенне вынікаў конкурсу. Конкурсная камісія вызначае пераможцаў, а таксама выбірае работы для ўдзелу ў Інтэрнет-галасаванні;
з 22 па 26 жніўня 2022 года праводзіцца Інтэрнет-галасаванне шляхам публікацыі работ на старонках Міністэрства юстыцыі ў сацыяльных сетках і мэсэнджэры “Тэлеграм”.
Інфармацыя аб выніках конкурсу публікуецца на афіцыйным Інтэрнет-партале Міністэрства юстыцыі, у сацыяльных сетках і сродках масавай інфармацыі.
Дата правядзення цырымоніі ўзнагароджання пераможцаў конкурсу будзе паведамлена арганізатарамі дадаткова.
Пераможцы, якія занялі І, ІІ, ІІІ месца ў кожнай намінацыі, а таксама па выніках Інтэрнэт-галасавання ўзнагароджваюцца дыпломамі і каштоўнымі прызамі.
Звяртаем увагу, што работы, дасланыя на конкурс, могуць быць у далейшым выкарыстаны ў наглядных друкаваных матэрыялах, якія выдаюцца Міністэрствам юстыцыі і ў сацыяльных сетках.
- DOC!_ПОЛОЖЕНИЕ право на детство 2022-2.docx(.docx, 25 Kb)